कुशल र सन्द‍ीपको अर्धशतकमा नेपालले पीएनजीलाई दियो १९९ रनको लक्ष्य

काठमाडौँ– हङकङमा जारी त्रिकोणात्मक सिरिजको दोस्रो खेलमा नेपालले पीएनजीलाई १९९ रनको लक्ष्य दिएको छ।

टस हारेर पहिला ब्याटिङको निम्तो पाएको नेपालले २० ओभरमा ६ विकेट गुमाएर १९८ रन बनायो। नेपालका कुशल भुर्तेल र सन्दीप जोराले अर्धशतक प्रहार गरे। 

कुशलले ३९ बलमा ४ चौका र ४ छक्काको मद्दतमा ५९ रन बनाए।  सन्दीपले २१ बलमा आफ्नो दोस्रो टी२०आई अर्धशतक पूरा गरे। उनले २६ बलमा उनले ३ चौका र ४ छक्काको मद्दतमा ५६ रन जोडे। 

विनोद भण्डारीले २२ बलमा २ चौका र १ छक्कासहित २७ रन बनाए। लोकेश बमले ६ बलमा २ छक्कासहित १४ रन जोडे। विवेक यादव ४ बलमा ३ छक्काको मद्दतमा १९ रनमा नटआउट रहे। गुलशन झाले १२ बलमा १ छक्कासहित १५ रन बनाए।

पीएनजीका असाद भालाले २ तथा जोन कारिको, नोर्मन भनुआ र नोसेना पोकानाले १–१ विकेट लिए।