राष्ट्रपतिले गरे तीन प्रदेशप्रमुख पदमुक्त

फागुन २८ गतेको मन्त्रिपरिषद् बैठकले गरेको सिफारिसका आधारमा मधेश, गण्डकी र सुदूरपश्चिम प्रदेशका प्रदेशप्रमुखलाई पदमुक्त गरिएको हो।

उकालो

बुधबार, ३० फागुन, २०८०

राष्ट्रपतिले गरे तीन प्रदेशप्रमुख पदमुक्त
फाइल तस्वीर

काठमाडौँ– राष्ट्रपति रामचन्द्र पौडेलले तीन प्रदेशका प्रदेशप्रमुखलाई पदमुक्त गरेका छन्।

नेपालको संविधानको धारा १६५ को उपधारा (१) को खण्ड ‘ख’ बमोजिम मधेश प्रदेशका प्रदेशप्रमुख हरिशंकर मिश्र, गण्डकी प्रदेशका पृथ्वीमान गुरुङ र सुदूरपश्चिम प्रदेशका देवराज जोशीलाई पदमुक्त गरिएको राष्ट्रपति कार्यालयद्वारा जारी विज्ञप्तिमा जनाइएको छ।

फागुन २८ गतेको मन्त्रिपरिषद् बैठकले गरेको सिफारिसका आधारमा आज पदमुक्त गरिएको राष्ट्रपतिको कार्यालयकी प्रवक्ता शैलजा रेग्मी भट्टराईले बताइन्।

 

प्रतिक्रिया दिनुहोस !