यस्तो रहनेछ बुधबारको मौसम

काठमाडौँ– नेपालमा पश्चिमी न्यूनचापीय प्रणाली र स्थानीय वायुको आंशिक प्रभाव रहेको छ। 

जसका कारण हाल देशभर आंशिकदेखि साधारणतया बदली रहेको छ। कोशी र मधेशका केही स्थानमा मेघगर्जन र चट्याङसहित छिटपुट वर्षा भइरहेको मौसम पूर्वानुमान महाशाखाले जनाएको छ। यस्तै, कोशीको उच्च पहाडी तथा हिमाली भूभागमा हल्का हिमपातसमेत भइरहेको छ।

दिउँसो, कोशी, मधेश, बागमती र गण्डकीका पहाडी भूभागमा आंशिकदेखि साधारणतया बदली रहनेछ। कोशी, मधेश र बागमतीको थोरै स्थानमा मेघगर्जन र चट्याङसहित छिटपुटदेखि हल्का वर्षा हुनेछ। कोशी, बागमती र गण्डकीका उच्च पहाडी तथा हिमाली भूभागमा हिमपातको समेत सम्भावना छ।

यसैगरी, राति कोशी, मधेश, बागमती, गण्डकी र लुम्बिनीमा आंशिक बदली रहनेछ। कोशी, मधेश, बागमती र गण्डकीका पहाडी भूभागमा वर्षा हुने महाशाखाले जनाएको छ।