यस्तो रहनेछ बुधबारको मौसम

काठमाडौँ– नेपालमा पश्चिमी वायु र स्थानीय वायुको आंशिक प्रभाव रहेको छ।

जसका कारण सुदूरपश्चिमसहित देशका पहाडी भाूभागमा आंशिक बदली हुने मौसम पूर्वानुमान महाशाखाले जनाएको छ। 

दिउँसो सुदूरपश्चिम र कर्णालीसहित देशका पहाडी भूभागमा आंशिकदेखि साधारणतया बदली रहनेछ।

कोशी, बाग्मती, गण्डकी र कर्णालीका पहाडी भूभागमा मेघगर्जन र चट्याङसहित हल्का वर्षा हुनेछ। उच्च पहाडी तथा हिमाली भूभागमा हल्का हिमपातसमेत हुने महाशाखाले जनाएको छ। 

यसैगरी, राति सुदूरपश्चिम र कर्णालीका पहाडी भूभागमा आंशिकदेखि साधारणतया बदली रहनेछ। सुदूरपश्चिम, कर्णाली र गण्डकीका पहाडी भूभागमा मेघगर्जन र चट्याङसहित हल्का वर्षा हुनेछ। 

गण्डकी र कर्णालीका उच्च पहाडी तथा हिमाली भूभागमा हिमपात हुनेछ।