जसपाबाट समानुपातिक सांसदमा हसिना खान सिफारिस

काठमाडौँ– जनता समाजवादी पार्टी (जसपा)ले समानुपातिक सांसदका लागि बाँकेकी हसिना खानको नाम सिफारिस गरेको छ।

सांसद मञ्जु शर्मा अन्सारीको निधन भएपछि सो स्थानमा खानको नाम सिफारिस गरेको हो। जसपाको बिहीबार बसेको केन्द्रीय कार्यकारिणी समितिको बैठकले २७ वर्षीया खानलाई सिफारिस गर्ने निर्णय गरेको प्रचारप्रसार विभाग प्रमुख पूर्ण बस्नेतले जानकारी दिए। 

शहनाज रहमानको २०७९ फागुनमा निधन भएपछि रिक्त रहेको स्थानमा मञ्जु सांसद मनोनीत भएकी थिइन्। 

उनको पनि सिभिल अस्पतालमा उपचारको क्रममा चैत ४ गते निधन भएपछि रिक्त स्थानमा खान सिफारिसमा परेकी हुन्।