क्विटोस्थित दूतावासमा आक्रमणपछि मेक्सिकोले तोड्यो इक्वेडरसँगको कूटनीतिक सम्बन्ध

इक्वेडरका पूर्वउपराष्ट्रपतिलाई गिरफ्तार गर्न प्रहरी मेक्सिकाली दूतावासमा प्रवेश गरेपछि मेक्सिकोका राष्ट्रपति एन्ड्रेस म्यानुएल लोपेज ओब्रेडोरले इक्वेडरसँगको कूटनीतिक सम्बन्ध तोडेका छन्। 

डिसेम्बरदेखि मेक्सिकाली दूतावासमा बस्दै आएका पूर्वउपराष्ट्रपति जर्ज ग्लासलाई गिरफ्तार गर्न इक्वेडरको प्रहरी राजधानी क्विटोस्थित दूतावासमा प्रवेश गरेको थियो। कूटनीतिक मुख्यालयबाहिर ढोका फोरेर ग्लासलाई लिन प्रहरी मुख्य आँगनमा प्रवेश गरेको थियो । 

घुसखोरी र भ्रष्टाचारको आरोपमा दोषी ठहराइएका ग्लासमाथि इक्वेडरमा सर्वाधिक खोजीका व्यक्ति हुन्। उनीविरुद्ध इक्वेडरका अधिकारीहरूले अहिले पनि थप आरोपको अनुसन्धान गरिरहेका छन्। 

मेक्सिकोको विदेश सम्बन्ध सचिव एलिसिया बार्सेनाले प्रहरी दूतावास प्रवेश गर्ने क्रममा धेरै कूटनीतिज्ञलाई चोट लागेको र यसले कूटनीतिक सम्बन्धमा भियना महासन्धिको उल्लंघन गरेको बताए।