यस्तो रहनेछ सोमबारको माैसम

काठमाडाैँ– हाल देशको पहाडी भूभागमा आंशिक बदली तथा बाँकी भूभागमा मौसम मुख्यतया सफा रहको छ। माैसम पूर्वानुमान महाशाखाका अनुसार अहिले नेपालमा पश्चिमी वायु र स्थानीय वायुको प्रभाव रहेको छ।

सोमबार दिनभर कोशी र मधेश प्रदेशलगायत देशको पहाडी भूभागमा आंशिक बदली तथा बाँकी भागमा मौसम मुख्यतया सफा रहने छ। पहाडी भूभागको केही स्थानमा मेघगर्जन र चट्याङसहित हल्का वर्षाको सम्भावना पनि रहेको छ। साथै देशका उच्च पहाडी तथा हिमाली भेगका एक/दुई स्थानमा हल्का हिमपातको सम्भावना रहेको छ। 

राति कोशी र मधेश प्रदेशलगायत देशको पहाडी भूभागमा आंशिक बदली रही बाँकी भागमा मौसम मुख्यतया सफा रहने छ। कोशी  र गण्डकी  देशका पहाडी भूभागका  केही स्थानमा मेघगर्जन र चट्याङसहित हल्का वर्षाको सम्भावना पनि रहेको छ। यस्तै, कोशी, गण्डकी र कर्णाली प्रदेशको उच्च पहाडी तथा हिमाली भूभागका एक/दुई स्थानमा हल्का हिमपातको सम्भावना रहेको माैसम पूर्वानुमान महाशाखाले जनाएको छ।