राष्ट्रियसभा सदस्यमा अन्जान शाक्य मनोनीत

काठमाडौँ– राष्ट्रियसभा सदस्यमा डा. अन्जान शाक्य मनोनीत भएकी छन्। सरकारको सिफारिसमा राष्ट्रपति रामचन्द्र पौडेलले बिहीबार डा. शाक्यलाई मनोनीत गरेका हुन्। 

राष्ट्रपति पौडेलले नेपालको संविधानको धारा ८६ को उपधारा (२) को खण्ड (ख) बमोजिम शाक्यलाई राष्ट्रियसभा सदस्यमा मनोनीत गरेको राष्ट्रपति कार्यालयबाट जारी विज्ञप्तिमा उल्लेख छ।

गत चैत ३० गतेको मन्त्रिपरिषद् बैठकले राष्ट्रियसभाको रिक्त सदस्य पदमा डा. शाक्यलाई मनोनीत गर्न राष्ट्रपति पौडेलसमक्ष सिफारिस गरेको थियो। 

नेपालको संविधानको धारा ८६ को उपधारा २ मा राष्ट्रियसभामा सरकारको सिफारिसमा कम्तीमा एक महिलासहित तीन जना मनोनीत गर्ने व्यवस्था छ।