बझाङमा हेलिकप्टरबाट मतपेटिका ल्याइँदै, दिउँसोबाट गणना

बझाङ– बझाङ (१) मा हेलिकप्टरबाट मतपेटिका गणनास्थलमा ल्याइँदै छ। 

मतपेटिका संकलन भइसकेपछि सर्वदलीय बैठक बस्ने र दिउँसोसम्ममा मतगणना शुरू गर्ने तयारी छ । साइपाल गाउँपालिकाको दुई वटा मतदान केन्द्रका मतपेटिका भौगोलिक कठिनाइका कारण हेलिकप्टर प्रयोग गरिएको हो। 

सहायक निर्वाचन अधिकृत प्रकाशबहादुर सिंहका अनुसार ती मतपेटिका लिन बिहान हेलिकप्टर पठाइएको छ। 

“साइपाल गाउँपालिका–३ को काडा मावि र वडा नं. ५ को सामुदायिक भवन मतदान केन्द्रको मतपेटिका लिन हेलिकप्टर पठाएका छौँ,” उनले भने, “मतपेटिका आइपुगेपछि सर्वदलीय बैठक बस्ने तयारी छ। त्यसपछि गणना हुन्छ।”

६१ हजार ७४८ जना मतदाता रहेको बझाङमा ३० हजार ३२८ मत खसेको छ।