दक्षिणी चीनमा राजमार्ग भासिँदा २४ जनाको मृत्यु, दर्जनौँ घाइते

दक्षिणी चीनको ग्वाङडोङ प्रान्तमा बुधबार राजमार्गको एक भाग भासिँदा २४ जनाको मृत्यु भएको साउथ चाइना मर्निङ पोस्टले जनाएको छ।

मेजियु शहर र दाबु काउन्टीबीचको एस–१२ राजमार्गको १८ मिटर सडकखण्ड बुधबार बिहान २ः१० बजे भासिएको र उक्त घटनामा २० सवारी साधनहरू त्यहाँ खसेका थिए। अधिकारीहरूका अनुसार घाइते भएका ३० जनाको अस्पतालमा उपचार भइरहेको छ।

घटनापछि त्यहाँ करिब ५०० जना उद्धार कार्यका लागि खटिएका थिए।