धादिङको थाक्रेमा आगलागी: वृद्ध दम्पतीको मृत्यु

मलेखु– धादिङको थाक्रे गाउँपालिका–५ पुरानडाँडास्थित घट्टेखोलास्थित एक घरमा आगलागी हुँदा वृद्ध दम्पतीको मृत्यु भएको छ।

बुधबार राति भएको आगलागीमा ७० वर्षीय तेजबहादुर लामा र उनकी श्रीमती ७० वर्षीया ठूली लामाको मृत्यु भएको धादिङका प्रहरी प्रमुख प्रहरी उपरीक्षक गौतम केसीले बताए। 

एकतले घरमा आगलागी हुँदा सुतिरहेका उनीहरूको मृत्यु भएको प्रहरीले जनाएको छ। घरमा भएका अन्नपात र लत्ताकपडा पनि जलेर नष्ट भएको छ। 

“राति करिब ११ः३० बजे घरमा आगो लागेको खबर पायौँ। हाप्सेचौर अस्थायी प्रहरी चौकी र इलाका प्रहरी कार्यालय खानीखोलाको टोली घटनास्थल पुग्दा उहाँहरूको मृत्यु भइसकेको थियो,” केसीले भने।