पूर्वी कंगोमा विस्थापितहरूको शिविरमा विस्फोट: १२ जनाको मृत्यु

युद्धग्रस्त पूर्वी प्रजातान्त्रिक गणतन्त्र कंगोस्थित विस्थापितहरूको एक शिविरमा विस्फोट हुँदा बालबालिकासहित १२ जनाको मृत्यु भएको छ। 

प्रत्यक्षदर्शीका अनुसार एम२३ (मार्च २३ आन्दोलन) विद्रोही र सरकारबीचको लडाइँका क्रममा विस्थापित भएकाहरूको झुपडीमा बम विस्फोट भएको थियो।

आठ वर्षको निष्क्रियतापछि अधिकांश तुत्सी एम२३ विद्रोहीहरूले पुनः हतियार उठाएका छन्। उनीहरूले यसको प्रान्तीय राजधानी गोमाबाट करिब ४० किलोमिटर उत्तरपश्चिममा किभु प्रान्तको ठूलो हिस्सा कब्जामा लिएका छन्। 

शुक्रबारको विस्फोट कसले गरायो भन्ने आधिकारिक पुष्टि भने हुन सकेको छैन । तर सरकारका प्रवक्ता प्याट्रिक मुयायाले सामाजिक सञ्जाल एक्समा ‘रुवान्डा सेना र उसको एम२३ आतंकवादी समर्थक’ विस्फोटका लागि जिम्मेवार रहेको दाबी गरेका छन्। 

राजधानीबाट करिब २० किलोमिटर टाढा गोमाबाट जाने रणनीतिक शहर सोकसम्म जाने सडकको दुवैतिर झुपडी थिए। 

राष्ट्र संघले सन् २०२३ को अन्त्यमा प्रजातान्त्रिक गणतन्त्र कंगोमा करिब ७० लाख मानिस विस्थापित भएको र यसमा उत्तरी किभुबाट मात्रै २५ लाख मानिस रहेको अनुमान गरेको थियो।