कीर्तिपुर बस दुर्घटनामा १ जनाको मृत्यु, ३ जना घाइते

काठमाडौँ– काठमाडौँको कीर्तिपुरमा आइतबार भएको बस दुर्घटनामा एक जनाको मृत्यु भएको छ। अन्य तीन जना घाइते भएका छन्।

कीर्तिपुर-रत्नपार्क चल्ने बा ३ ख २०२७ नम्बरको यात्रुवाहक बस अचानक कीर्तिपुर आयुर्वेदिक अस्पताल अगाडि दुर्घटना हुँदा ४२ वर्षका ठेगाना नखुलेका डा गोविन्द रिजालको मृत्यु भएको काठमाडौँ उपत्यका प्रहरी कार्यालयका प्रवक्ता, वरिष्ठ प्रहरी उपरीक्षक दिनेशराज मैनालीले जानकारी दिए। 

उनका अनुसार आइतबार २ः४५ बजे भएको उक्त दुर्घटनामा गम्भीर घाइते भएका रिजालको कीर्तिपुर अस्पतालमा उपचारका क्रममा अपराह्न मृत्यु भएको हो। अन्य तीन घाइतेको उपचार भइरहेको छ।

घाइते हुनेहरूमा बैतडी घर भई कीर्तिपुर बस्ने वर्ष २४ का डम्बर पन्त, वर्ष २४ की विमला श्रेष्ठ र बसका चालक वर्ष २७ का रमेश लामा छन्। लामालाई थप उपचारका लागि ट्रमा सेन्टर ल्याइएको छ।