पौडी खेल्ने क्रममा बबईमा डुबेर दाजुभाइको मृत्यु

तुलसीपुर– दाङमा पौडी खेल्ने क्रममा डुबेर दाजुभाइको मृत्यु भएको छ। 

बबई गाउँपालिका–७ ओदाले घाटमा डुबेर मंगलबार साँझ १८ वर्षीय दीपक र १६ वर्षीय दीपेश परियारको डुबेर मृत्यु भएको इलाका प्रहरी कार्यालय खिलतपुरका प्रहरी निरीक्षक अजयजङ थापाले बताए। 

दीपकको उपचारका क्रममा प्रादेशिक अस्पताल तुलसीपुरमा र दीपेशको घटनास्थलमै मृत्यु भएको उनले बताए। 

दुवै जना केही दिनअघि मात्रै नेपाल आएका थिए। उनीहरूका परिवार कामको सिलसिलामा भारत बस्ने गरेका छन्।