मकवानपुरमा कार दुर्घटना: २ जनाको मृत्यु, १ घाइते

मकवानपुर– बकैया गाउँपालिका–१२ चौतारास्थित कान्तिलोकपथमा शनिबार सवारी दुर्घटना हुँदा दुई जनाको मृत्यु भएको छ। एक जना घाइते भएका छन्।

जिल्ला प्रहरी कार्यालय मकवानपुरका डीएसपी लक्ष्मी भण्डारीका अनुसार हेटौँडा अस्पतालमा उपचारका क्रममा रौतहटको मौलापुर नगरपालिका–६ का १७ वर्षीय विवेक साह र बकैया गाउँपालिका–१२ का ६५ वर्षीय प्रेमबहादुर ब्लोनको मृत्यु भएको हो। ललितपुरबाट हेटौँडातर्फ आउँदै गरेको कार सडकबाट ५०० मिटर तल खसेको थियो।

दुर्घटनामा बाराको निजगढ नगरपालिका–६ का ३० वर्षीय सन्दीप साह गम्भीर घाइते भएका छन्। उनको मकवानपुर सहकारी अस्पतालमा उपचार भइरहेको छ।