भारतीय निर्वाचन : सीमा क्षेत्रमा यस्तो देखियो प्रभाव (तस्वीर)

रक्सौल– भारतमा जारी लोकसभा निर्वाचनअन्तर्गत शनिबार छैटौँ चरणको मतदान हुँदै छ। यही दिन नेपालको सीमा जोडिएको बिहारस्थित रक्सौलमा पनि मतदान हुन गइरहेको छ। सोही कारणले बुधबारदेखि शनिबार रातिसम्म सिमानाका बन्द गरेर आउजाउमा रोक लगाइएको छ।

चार तथा दुईपांग्रे वाहन चलाउन नपाइए पनि पैदल आवागमन भने रोकिएको छैन। भारततर्फ सीमा क्षेत्रमा उच्च सुरक्षा सतर्कता अपनाएको देख्न सकिन्छ। सवारीसाधन सञ्चालनमा नआउँदा सडक सुनसान देखिएका छन् भने भारत जानेहरू पैदल हिँडेर सीमा पार गर्ने गरेका छन्।

भारतीय सीमा सुरक्षा बलले सीमा नाकामा कडाइका साथ चेकजाँच गरेर मात्र भारत प्रवेश दिने गरेको छ। बिहीबार अपराह्न पर्साको सीमा क्षेत्रमा देखिएको दृश्यहरू।

 

 

तस्वीर: विकास रौनियार