दार्चुलामा यार्सा टिप्न गएका १ जनाको लडेर मृत्यु

दार्चुला– यार्सागुम्बा टिप्न गएका युवकको भीरबाट लडेर मृत्यु भएको छ।

दार्चुलाको अपि हिमाल गाउँपालिका–३ राताभिटाका २४ वर्षीय मिलन कार्कीको भीरबाट लडेर मृत्यु भएको जिल्ला प्रहरी कार्यालयका प्रहरी नायब उपरीक्षक शिवबहादुर सिंहले बताए।

अपि हिमाल गाउँपालिका–३ स्थित काँटै दोनथे वनमा यार्सागुम्बा खोज्ने क्रममा शुक्रबार बेलुका कार्कीको मृत्यु भएको उनले जानकारी दिए।