आप्रवासीहरूले अमेरिका–मेक्सिको सीमामा शरण नपाउने, राष्ट्रपति बाइडेनले जारी गरे आदेश

अमेरिकी राष्ट्रपति जो बाइडेनले अमेरिका–मेक्सिको सीमामा शरण खोज्ने आप्रवासीलाई प्रतिबन्ध लगाउन मंगलबार आदेश जारी गरेका छन्।

अधिकारीहरूले सीमा क्षेत्रमा आप्रवासीको भीड भएको बताएपछि राष्ट्रपति बाइडेनले अवैध रूपमा दक्षिणी सीमा पार गरी शरण खोज्नेहरूमाथि प्रतिबन्ध लगाउने एक कार्यकारी आदेशमा हस्ताक्षर गरेका हुन्। वरिष्ठ प्रशासन अधिकारीले बताएअनुसार ‘बाइडेनले लामो समयदेखि विचार गर्दै आएको' यस विषयमा प्रभावकारी सीमा नियन्त्रणले एकै पटकमा अमेरिका–मेक्सिको सीमामा प्रवेश गर्ने बन्दरगाहमा लगातार सात दिनसम्म औसत प्रति दिन दुई हजार ५०० अवैध आप्रवासी भित्रिने समस्या निर्मूल हुने बताइएको छ।

अमेरिकामा नोभेम्बरमा चुनाव हुन लागेको छ। त्यसैले यो हालको गम्भीर विषय भएकाले आदेश हस्ताक्षर भएपछि तुरुन्तै लागू हुने र जतिसक्दो छिटो आप्रवासीहरू फिर्ता गर्न सीमा अधिकारहरूलाई सशक्त निर्देशन दिइने ह्वाइट हाउससम्बद्ध एक अधिकारीले बताएका बीबीसले जनाएको छ। मंगलबारको यो कार्यकारी आदेशभन्दा पहिले  संयुक्त राज्य अमेरिकामा शरण खोज्ने अवैध आप्रवासीलाई सामान्यतया अस्थायी रूपमा देशमा प्रवेश गर्न अनुमति दिइन्थ्यो।

नयाँ निर्देशनअनुसार लगातार सात दिनसम्म दैनिक सीमा पार गर्नेको संख्या  एक हजार ५०० वा सोभन्दा कम रहे दुई हप्तापछि अमेरिकामा शरण खोज्नेहरूका लागि सीमा पुनः खुल्नेछ। 

बालबालिका तथा मानव बेचबिखनका पीडितहरूलाई भर्खरै घोषणा गरिएका प्रतिबन्धहरूबाट छुट दिइएको छ। तथापि यस्तो छुटले सम्भावित रूपमा सीमानामा खतरनाक यात्रा गर्ने बालबालिकाको तीव्र वृद्धि हुनेमा आप्रवासन मामिला हेर्ने अधिकारीले चिन्ता व्यक्त गरेका छन्।

कार्यकारी आदेशलाई देशको बिग्रिँदो आप्रवासन प्रणालीबारे मतदाताहरूको चिन्ता कम गर्न लिइएको चुनावी कदमका रूपमा हेरिएको छ। राष्ट्रपति बाइडेनको हालसम्मको कार्यकालमा आप्रवासन नीतिको सम्बन्धमा संयुक्त राष्ट्रसंघको राष्ट्रिय सुरक्षा खर्चमा खुला सीमालाई मौलिक रूपमा सहयोग गरेको भन्दै उनी लगातार रिपब्लिकनहरूको आलोचनाको विषय बनेका छन्।