प्रतिनिधिसभा बैठकमा ३ वटा विधेयक पेस

काठमाडौँ– प्रतिनिधिसभाको बुधबारको बैठकमा तीन वटा विधेयक पेस गरिएका छन्।

अर्थमन्त्री वर्षमान पुनले ‘विनियोजन विधेयक, २०८१’, ‘राष्ट्र ऋण उठाउने विधेयक, २०८१’ र ‘भन्सार महसुल विधेयक, २०८१’ बैठकमा पेस गरेका हुन्। शुरूका दुवै विधेयक प्रस्तुत गर्न अनुमति माग्ने प्रस्तावमाथि सांसद प्रेम सुवालले राखेको विरोधको सूचनालाई सभाको बहुमतले अस्वीकृत गरेको थियो।

प्रतिनिधिसभाको अर्को बैठक बिहीबार बिहान ११ बजे बस्नेछ।