हुरीले पोल ढालेपछि वीरगन्जमा ९ घण्टादेखि विद्युत् आपूर्ति अवरुद्ध

वीरगन्ज– बिजुलीका पोल बिहीबार रातिको हुरीले ढाल्दा वीरगन्ज र आसपास क्षेत्रमा नौ घण्टादेखि विद्युत् आपूर्ति बन्द भएको छ। 

बुधबार राति एक बजेतिर आएको हावाहुरीले पोल ढालेको र उठाउने काम भइरहेको नेपाल विद्युत् प्राधिकरण वीरगन्जका प्रमुख अवधेशकुमार दुबेले बताए। उनका अनुसार बिहीबार अपराह्नसम्म बिजुली आपूर्ति सुचारु हुने सम्भावना छ। 

वीरगन्ज र आसपासका क्षेत्रमा विद्युत्‌का ५६ हजार ग्राहक छन्। अहिले यहाँ वर्षा भइरहेको छ।