मधेशको मुख्यमन्त्रीमा जनमतका सतिश सिंह नियुक्त

संविधानको धारा १६८ को उपधारा २ अनुसार प्रदेशसभामा प्रतिनिधित्व गर्ने दुई वा दुईभन्दा बढी दलका बहुमत सदस्यको समर्थन दाबी परेपछि सिंह मुख्यमन्त्रीमा नियुक्त भएका हुन्।

उकालो

शुक्रबार, २५ जेठ, २०८१

मधेशको मुख्यमन्त्रीमा जनमतका सतिश सिंह नियुक्त

धनुषा– मधेश प्रदेशको मुख्यमन्त्रीमा जनमत पार्टीका सतिशकुमार सिंह नियुक्त भएका छन्।

प्रदेश प्रमुख सुमित्रा सुवेदी भण्डारीले संविधानको धारा १६८ को उपधारा २ अनुसार प्रदेशसभामा प्रतिनिधित्व गर्ने दुई वा दुईभन्दा बढी दलका बहुमत सदस्यको समर्थन दाबी परेपछि सिंहलाई मुख्यमन्त्रीमा नियुक्त गरेकी हुन्।  

उनलाई संघीय सत्ता गठबन्धनमा रहेका दल नेकपा, नेकपा माओवादी केन्द्र, एकीकृत समाजवादी, नागरिक उन्मुक्ति पार्टीलगायत बहुमत प्रदेशसभा सदस्यले समर्थन गरेका छन्।

सिहंले शुक्रबार नै पद तथा गोपनीयताको शपथ लिने तयारी छ। 

सिंह सप्तरी निर्वाचन क्षेत्र नम्बर २ (क) बाट निर्वाचित भएका थिए। यसअघि २०७४ को स्थानीय तह निर्वाचनमा सप्तरीको तिलाठी कोइलाडी गाउँपालिकाका अध्यक्ष निर्वाचित भएका थिए।

त्यसपछि २०७९ मा भएको स्थानीय तह निर्वाचनमा सोही गाउँपालिका अध्यक्षमा पराजित भएपछि सोही वर्षको आम निर्वाचनमा जनमतबाट उम्मेदवार भई प्रदेशसभा सदस्य निर्वाचित भए।

प्रतिक्रिया दिनुहोस !