मुख्यसचिव वैकुण्ठ अर्यालविरुद्ध भ्रष्टाचार मुद्दा दायर गर्ने अख्तियारको निर्णय

काठमाडौँ– अख्तियार दुरुपयोग अनुसन्धान आयोगले मुख्यसचिव डा. वैकुण्ठ अर्यालविरुद्ध भ्रष्टाचार मुद्दा दायर गर्ने निर्णय गरेको छ। 

अन्तःशुल्क स्टिकर छपाइमा भ्रष्टाचार भएको निष्कर्षसहित मुख्यसचिव अर्यालविरुद्ध मुद्दा दायर गर्ने निर्णय भएको अख्तियार उच्च स्रोतले जानकारी दिएको छ।

सञ्चारसचिव रहँदा अर्यालले दूरसञ्चार प्राधिकरणको सुरक्षण मुद्रण केन्द्रको अन्तःशुल्कको स्टिकर खरिदमा राज्यकोषमा अर्बौं रुपैयाँ क्षति पुग्ने गरी निर्णय गरेको अख्तियारको निष्कर्ष छ।

मुख्यसचिवसहित अन्य उच्च पदस्थ व्यक्ति तथा तत्कालीन केही सहसचिवहरूविरुद्ध पनि मुद्दा दायर गर्ने निर्णय भएको बताइएको छ।