नेप्से परिसूचक १४.८३ प्रतिशतले घट्यो

काठमाडौँ– साताको कारोबारको पहिलो दिन आइतबार नेपाल स्टक एक्सेन्ज (नेप्से) परिसूचक दोहोरो अंकले घटेको छ। आज नेप्से परिसूचक १४.८३ अंकले घटेर २०३७.०९ को विन्दुमा कायम भएको छ।

आज विभिन्न ३२० कम्पनीको ९१ लाख ७८ हजार ८९५ कित्ता शेयर ५० हजार ९५२ पटक खरिदबिक्री हुँदा तीन अर्ब ६० करोड ७१ लाख ९८ हजार ४०७ रुपैयाँ बराबरको कारोबार भएको नेप्सेले जनाएको छ।

आजको कारोबारमा वित्त समूह ०.३४ र उत्पादन तथा प्रशोधन समूह ०.०३ प्रतिशतले बढेको छ भने अरू सबै समूहको उपसूचक घटेको छ। बैंकिङ ०.७०, विकास बैंक ०.८०, होटल तथा पर्यटन ०.४०, जलविद्युत् १.०६ र लगानी समूह ०.६६ प्रतिशतले घटेको छ। 

त्यसैगरी, जीवन बीमा समूह ०.४५, लघुवित्त १.३७, म्युचुअल फन्ड ०.१५, निर्जीवन बीमा ०.२८, व्यापार ०.३१ र अन्य समूह ०.९५ प्रतिशतले घटेको छ। आज सबैभन्दा धेरै मुक्तिनाथ कृषि कम्पनी लिमिटेडको शेयर मूल्य ७.०६ र मैलुङ खोला जलविद्युत् कम्पनी लिमिटेडको शेयर मूल्य ५.७६ प्रतिशतले बढेको छ। सबैभन्दा धेरै घट्नेमा भने मनकामना स्मार्ट लघुवित्त वित्तीय संस्था लिमिटेडको शेयर मूल्य ९.३० प्रतिशतले घटेको छ।

कारोबार रकमका आधारमा आज सबैभन्दा धेरै नेपाल फाइनान्स लिमिटेडको १२ करोड ८८ लाख ७४ हजार १५४ रुपैयाँ बराबरको कारोबार भएको छ। त्यस्तै, कारोबार भएका शेयर संख्याका आधारमा सबैभन्दा धेरै सानिमा इक्विटी फन्डको दुई लाख २९ हजार २१० कित्ता शेयर किनबेच भएको छ।