सिरहामा पोखरीमा डुबेर २ बालकको मृत्यु

सिरहाको नरहा गाउँपालिका–३ खोरियाटोलस्थित पोखरीमा डुबेर दुई बालकको मृत्यु भएको छ।

उकालो

मंगलबार, १८ असार, २०८१

सिरहामा पोखरीमा डुबेर २ बालकको मृत्यु

सिरहा– सिरहाको नरहा गाउँपालिका–३ खोरियाटोलस्थित पोखरीमा डुबेर दुई बालकको मृत्यु भएको छ।

मृत्यु हुनेमा स्थानीय सुशील मण्डलका ६ वर्षीय छोरा राहुल मण्डल र उनका भान्जा आठ वर्षीय आशिष मण्डल रहेका छन्।

जिल्ला प्रहरी कार्यालयका प्रवक्ता प्रहरी नायब उपरीक्षक मुक्तिनाथ सापकोटाले सोमबार दिउँसोदेखि हराएका बालक मंगलबार बिहान स्थानीय वसन्त यादवको पोखरीमा मृत फेला परेका जानकारी दिए।

मृतकको शव परीक्षणका लागि प्रादेशिक अस्पताल सिरहामा राखिएको र घटनाबारे थप अनुसन्धान भइरहेको सापकोटाले जानकारी दिए।

प्रतिक्रिया दिनुहोस !