मोरङ र सुनसरीमा भारी वर्षा, सतर्क रहन अनुरोध

बेलबारी– मोरङ र सुनसरीमा रातिदेखि भारी वर्षा भइरहेको छ। निरन्तरको भारी वर्षाका कारण साना खोलामा आकस्मिक बाढी आउन सक्ने हुँदा सचेत रहन मौसम पूर्वानुमान महाशाखाले अनुरोध गरेको छ। 

सुनसरीको चतरा, धरान, इटहरी र मोरङका केराबारी, लेटाङ, सुन्दरहरैचा, बेलबारी आसपासमा भारी वर्षा भएको र अझ धेरै पानी पर्ने सम्भावना रहेको महाशाखाले जनाएको छ। 

सुनसरीको सेउती, सर्दु, सुनसरी खोला र मोरङको बूढीखोला, केसलिया, लोहन्द्रा, चिसाङलगायत खोलामा आकस्मिक बाढी आउनसक्ने विभागले जनाएको छ।

मंगलबार दिउँसोसम्म उच्च सतर्कता अपनाउन महाशाखाले आग्रह गरेको छ।