कर्णाली राजमार्ग एकतर्फी खुल्यो

कालीकोट– अवरुद्ध कर्णाली राजमार्ग एकतर्फी खुलेको छ। गत शुक्रबारदेखि बन्द यो बाटो मंगलबार अपराह्नदेखि एकतर्फी खुला भएको हो।

जिल्लाको शुभकालिका गाउँपालिका–१ मा गगनेखोलामा पहिरो पन्छाएपछि सडक एकतर्फी खुला भएको जुम्लास्थित डिभिजन सडक कार्यालयले जनाएको छ। 

राजमार्गको पहिरो पन्छाएपछि एकतर्फी रूपमा सवारीसाधनका निम्ति खुला गरिएको उक्त कार्यालयका प्रमुख चेतनकुमार मण्डलले बताए।