सिंखुवासभाको सिलिचोङमा पहिरो: २ जनाको मृत्यु, १ गम्भीर

किमाथांका– संखुवासभाको सिलिचोङ गाउँपालिका–१ सिसुवाखोलामा पहिरोमा पुरिएर एकै परिवारका दुई जनाको मृत्यु भएको छ। 

पहिरोमा परी मंगलबार बिहान ५५ वर्षीया मोतिमाया राई र २५ वर्षीया समीक्षा राईको मृत्यु भएको सिलिचोङ गाउँपालिका अध्यक्ष भूपालराज मेवाहाङले जानकारी दिए। ‍पहिरोमा परेर २९ वर्षीया रविना राई गम्भीर घाइते भएकी छन्। 

उनलाई उपचारका लागि हेलिकप्टरमार्फत काठमाडौँ लैजाने तयारी भइरहेको प्रमुख जिल्ला अधिकारी ध्रुवबहादुर खड्काले बताए।