तोलामा २ हजार रुपैयाँले बढ्यो सुनको मूल्य

काठमाडौँ– नेपाली बजारमा सुनको मूल्य प्रतितोला १ लाख ४९ हजार ८०० रुपैयाँ पुगेको छ। 

सुन एकैदिन २ हजारले बढेर नयाँ कीर्तिमानी मूल्य कायम गरेको हो। नेपाल सुनचाँदी व्यवसायी महासंघका अनुसार यो हालसम्मकै उच्च मूल्य हो। मंगलबार छापावाल सुन प्रतितोला १ लाख ४७ हजार ८०० रुपैयाँ थियो।

यस्तै, तेजाबी सुन प्रतितोला १ लाख ४९ हजार १०० रुपैयाँ पुगेको छ। मंगलबार एक लाख ४७ हजार १०० थियो। 

चाँदीको मूल्य पनि बढेको छ। मंगलबार एक हजार ८७५ रुपैयाँ रहेको चाँदी १ हजार ८९५ रुपैयाँ निर्धारण भएको छ।