बाजुरामा कांग्रेसका बद्री पाण्डे २४ सय मतले अगाडि

काठमाडौँ– प्रतिनिधिसभा सदस्य निर्वाचनअन्तर्गत बाजुरामा जारी मतगणनामा नेपाली कांग्रेसका बद्री पाण्डे करिब साढे २ हजार मतानतरले अग्रता लिएका छन्।

कांग्रेसका पाण्डे निकटतम प्रतिस्पर्धी नेकपा एमालेका कर्ण थापाभन्दा २ हजार ४४६ मतले अगाडि छन्। ताजा मतपरिणामअनुसार कांग्रेसका पाण्डेले ७ हजार ३६ मत प्राप्त गरेका छन्। एमालेका थापाले ४ हजार ५९० मत पाएका छन्। 

मुचुल्कामा उल्लेख भएभन्दा धेरै मत भेटिएको भन्दै एमालेले विवाद गरेपछि शुक्रबार बिहानदेखि रोकिएको मतगणना साँझ पुनः शुरू भएको थियो।