शेयरबजारमा दोहोरो अंकको गिरावट

काठमाडौँ– शेयरबजारमा बुधबार दोहोरो अंकको गिरावट आएको छ। पछिल्ला ६ कारोबार दिनदेखि निरन्तर बढीरहेको नेप्सेमा आज भने करेक्सन भएको छ।

कारोबारको शुरूमा १० अंकले बढेको शेयर बजार अन्त्यमा १.०६ प्रतिशत अर्थात् २७.३२ अंकले घटेर २५३६.११ विन्दुमा झरेको छ। आज ४ करोड ७ लाख ४७ हजार २२६ कित्ता शेयर खरिदबिक्री हुँदा १६ अर्ब बराबरको कारोबार भएको छ। फाइनान्स र होटल तथा पर्यटनबाहेक सबै उपसमूह घटेका छन्।

दुई स्टकको शेयर सकारात्मक सर्किट तहमा कारोबार भएको छ। बोटलर्स नेपाल र एशियन हाइड्रो लिमिटेडमा १० प्रतिशतको वृद्धिसहित सकारात्मक सर्किट लागेको छ। यस्तै, चन्द्रागिरि हिल्स, समृद्धि फाइनान्स र आरम्भ चौतारी लघुवित्तको शेयर ९ प्रतिशत भन्दा धेरैले बढेको छ।

कारोबारमा आएको चिरख्वा हाइड्रोपावरको शेयरमूल्य सर्वाधिक ७.७९ प्रतिशतले घटेको छ।