यस्तो रहनेछ शनिबारको मौसम

काठमाडौँ– देशभर मनसुनी वायुको प्रभाव रहेको छ। मनसुनको न्यूनचापीय रेखा सरदर स्थान आसपास अवस्थित छ। 

जसको प्रभावले बागमती, गण्डकी, लुम्बिनी र सुदूरपश्चिमका थोरै तथा बाँकी प्रदेशका एक–दुई स्थानमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ।  

दिउँसो देशभर साधारणतया बदली रहनेछ। केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। बागमती र सुदूरपश्चिमका एक-दुई स्थानमा भने भारी वर्षा हुनेछ।  यसैगरी, राति पनि देशभर आंशिकदेखि साधारणतया बदली रहनेछ। 

कोशी, बागमती, गण्डकी, कर्णाली र सुदूरपश्चिमका केही तथा बाँकी प्रदेशका थोरै स्थानमा हल्कादेखि मध्यम वर्षा हुनेछ। बागमती, गण्डकी, लुम्बिनी र सुदूरपश्चिमका एक–दुई  स्थानमा भारी  वर्षा हुने महाशाखाले जनाएको छ।