ताप्लेजुङको खेजेनिम केन्द्र भएर भूकम्प

काठमाडौँ– ताप्लेजुङको फक्ताङलुङ गाउँपालिका–२ खेजेनिम केन्द्र भएर भूकम्प भएको छ। 

शनिबार राति १०:१३ बजे ४.१ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ। 

यसअघि गत असार २६ गते खेजेनिमसँगै सीमा जोडिएको वडा नं ५ तापेथोक केन्द्र भएर ४.४ म्याग्निच्युडको भूकम्प गएको थियो। 

केन्द्रका अनुसार साउन २ गते रसुवाको मान्चेट केन्द्र भएर ३.९ र मुगुको दर्मा केन्द्र भएर ३.९ म्याग्निच्युडको भूकम्प गएको थियो।