चीनको हुनान प्रान्तमा पहिरो: ११ जनाको मृत्यु

मध्य चीनको हुनान प्रान्तमा आएको आकस्मिक बाढीले निम्त्याएको पहिरोले स्थानीय अतिथिगृह ध्वस्त हुँदा ११ जनाको मृत्यु भएको छ। 

एक जना बेपत्ता रहेको चिनियाँ राष्ट्रिय सञ्चारमाध्यमले जनाएको छ। ६ जना घाइतेको उद्धार गरेको बताइएको छ। घटनास्थलमा २४० भन्दा बढी आपतकालीन कर्मचारी परिचालन गरिएको र उद्धार कार्य जारी छ। 

यस महिनाको शुरूमा उत्तर र दक्षिणपश्चिम चीनमा आएको आकस्मिक बाढीले कम्तीमा २० जनाको ज्यान लिएको थियो। 

गत मेमा दक्षिणी चीनमा लगातार वर्षाका कारण राजमार्गको पुल खस्दा ४८ जनाको मृत्यु भएको थियो।