सुनको मूल्यमा नयाँ रेकर्ड, चाँदी घट्यो

काठमाडौँ– नेपाली बजारमा सुनको मूल्यमा नयाँ रेकर्ड बनेको छ। शुक्रबार छापावाल सुन प्रतितोला १ लाख ४९ हजार ९०० रुपैयाँ पुगेको नेपाल सुनचाँदी व्यवसायी महासंघले जनाएको छ।

यसअघि साउन २ गते प्रतितोला १ लाख ४९ हजार ८०० रुपैयाँमा कारोबार भएर रेकर्ड बनाएको थियो । शुक्रबार उक्त रेकर्ड तोडिएको हो। 

बुधबारको तुलनामा सुनको भाउ तोलामा ५०० रुपैयाँ बढेको हो। बुधबार प्रतितोला १ लाख ४९ हजार ४०० रुपैयाँ थियो। महासंघका अनुसार चाँदीको मूल्य भने घटेको छ । बुधबारको तुलनामा चाँदी तोलामा ५ रुपैयाँ घटेको हो। बजारमा चाँदी प्रतितोला १ हजार ७९५ रुपैयाँमा कारोबार भइरहेको छ।