नेपाल काभा बिच भलिबलको फाइनलमा

काठमाडौँ– नेपालको महिला राष्ट्रिय बिच भलिबल टोली भुटानमा जारी काभा बिच भलिबल च्याम्पियनसिपको फाइनलमा पुगेको छ। कमला पुन र मनिषा चौधरीको जोडीले फाइनलको यात्रा तय गरेको हो। 

भुटानको राजधानी थिम्पुमा शनिबार भएको सेमिफाइनलमा पुन र चौधरीको जोडीले उज्वेकिस्तानका खेलाडीलाई २–० को सोझो सेटमा पराजित गरेको हो। नेपालले उज्वेकिस्तानलाई २१–१३ र  २१–१२ अंकले हराएको हो।

यस्तै पुरुषतर्फ मानबहादुर श्रेष्ठ र दिलबहादुर सुनारको जोडीले शनिबार नै मालदिभ्ससँग सेमिफाइनल खेल खेल्दै छ। प्रतियोगितामा पुरुषतर्फ १० तथा महिलातर्फ सात टोली सहभागी छन्।