राजकुमार सलमान बने साउदी अरबका प्रधानमन्त्री

काठमाडौँ- साउदी अरबका राजकुमार मोहम्मद बिन सलमानलाई राजा सलमानले प्रधानमन्त्री पदमा नियुक्त गरेका छन् ।

मंगलवार शाही आदेशमार्फत मन्त्रिपरिषद् हेरफेर गर्दै राजाले रक्षा मन्त्री रहेका राजकुमारलाई प्रधानमन्त्री पदमा नियुक्त गरेका हुन्।

त्यस्तै, उनले अर्का छोरा खालिदलाई रक्षा मन्त्री पदमा नियुक्त गरेका छन्। यसअघि उनी उप-रक्षामन्त्री थिए।

राजा सलमानले छोराहरू अब्दुलअजीजलाई ऊर्जा मन्त्री तथा फैसल बिन फरहानलाई परराष्ट्रमन्त्रीकै रूपमा कायम राखेका छन्।