मोरङको बेलबारीमा हात्ती मृत फेला

स्थानीय अनिता थापा र रेखा थापाको निजी वनमा हात्तीको छावा मंगलबार बिहान मृत फेला परेको हो। मृत्युको कारण भने खुल्न नसकेको प्रहरीले जनाएको छ।

रासस

मंगलबार, २९ साउन, २०८१

मोरङको बेलबारीमा हात्ती मृत फेला

बेलबारी– मोरङको बेलबारी–३ करमडाँडामा अन्दाजी तीनदेखि चार वर्षको हात्ती मृतावस्थामा भेटिएको छ। 

स्थानीय अनिता थापा र रेखा थापाको निजी वनमा हात्तीको छावा मंगलबार बिहान मृत फेला परेको बेलबारी नगरपालिका–३ का वडाध्यक्ष योगेन्द्रप्रसाद सुवेदीले जानकारी दिए। 

सबडिभिजन वन कार्यालय बेलबारी, इलाका प्रहरी कार्यालय बेलबारी र सशस्त्र प्रहरी बल बेसक्याम्प लक्षीमार्गको टोलीले घटनास्थल पुगेर मुचुल्का उठाउन शुरू गरेको डिभिजन वन कार्यालयका निमित्त प्रमुख हेमन्त पराजुलीले जानकारी दिए। 

छावाको मृत्युको कारण भने खुल्न नसकेको उनको भनाइ छ। सुनसरीस्थित कोशी टप्पु वन्यजन्तु आरक्ष क्षेत्रमा रहेको राष्ट्रिय प्रकृति संरक्षण कोषको टोली घटनास्थलमा पुगेको छ। 

प्रतिक्रिया दिनुहोस !