पहिरोले नारायणगढ–बुटवल सडक अवरुद्ध

मध्यविन्दु– पूर्वपश्चिम राजमार्गअन्तर्गत नारायणगढ–बुटवल सडक अवरुद्ध भएको छ। नवलपरासी (बर्दघाट सुस्तापूर्व)को विनयी त्रिवेणी गाउँपालिका–२ दाउन्नेमा सोमबार सडक भासिएको स्थानमा मंगलबार राति पहिरो खसेपछि सडक पुनः अवरुद्ध भएको हो। 

जिल्ला प्रहरी कार्यालय बर्दघाट सुस्तापूर्वका प्रहरी नायब उपरीक्षक वेदबहादुर पौडेलका अनुसार मंगलबार साँझदेखि एकतर्फी रूपमा सञ्चालनमा आएको सडक रातिको वर्षापछि अवरुद्ध भएको हो।  सडक सञ्चालनको प्रयास जारी रहेको उनले जानकारी दिए।