यातायातका कम्प्युटर अधिकृतविरुद्ध विशेष अदालतमा मुद्दा

काठमाडौँ– अख्तियार दुरुपयोग अनुसन्धान आयोगले ललितपुरको एकान्तकुनास्थित यातायात व्यवस्था कार्यालयमा कार्यरत कम्प्युटर अधिकृत वासुदेव रेग्मीविरुद्ध विशेष अदालतमा मुद्दा दायर गरेको छ।

आयोगका प्रवक्ता नरहरि घिमिरेका अनुसार चालक अनुमति पत्रको अभिलेख नवीकरण गर्ने प्रयोजनका लागि सेवाग्राहीसँग २० हजार बराबरको घुस लिँदै गरेको अवस्थामा कम्प्युटर अधिकृत रेग्मी पक्राउ परेका थिए।

आरोपी रेग्मीलाई बिगोबमोजिम कारबाहीको माग गर्दै बिहीबार विशेष अदालतमा मुद्दा दायर गरिएको आयोगले जनाएको छ।