धनुषाको जलाद खोलामा डुबेर २ जनाको मृत्यु

जनकपुर– धनुषाको मिथिला विहारी नगरपालिका–९ स्थित जलाद खोलामा डुबेर दुई बालिकाको मृत्यु भएको छ।

खोलामा नुहाउन भएका स्थानीय ९ वर्षीया स्मृति यादव र लक्ष्मीनिया गाउँपालिका–३ घर भई आफन्तको घरमा गएकी १० वर्षीया सन्ध्या यादवको मृत्यु भएको हो।

शुक्रबार दिउँसो नुहाउन गएका उनीहरूलाई जमेको पानीमा तैरिरहेको देखेपछि साँझ स्थानीयले निकालेका थिए। दुवै जनाको घटनास्थलमै मृत्यु भएको धनुषाका प्रहरी प्रवक्ता डीएसपी रञ्जन अवालेले जानकारी दिए।

शव परीक्षणका लागि प्रादेशिक अस्पताल जनकपुरमा राखिएको छ।