इंग्लिस प्रिमियर लिग: म्यानचेस्टर सिटी र आर्सनल विजयी

काठमाडौँ– म्यानचेस्टर सिटीले इंग्लिस प्रिमियर लिगमा लगातार दोस्रो जित दर्ता गरेको छ। नर्वेली फरवार्ड एर्लीङ हालान्डको ह्याट्रिकको मद्दतमा घरेलु टोली सिटीले इप्सविच टाउनलाई ४-१ ले पराजित गरेको हो। 

शनिबार राति सिटीको जितमा हालान्डले ह्याट्रिक तथा केभिन डी ब्रुएनले १ गोल गरे। खेलमा अग्रता भने स्यामी स्माडिकको गोलमा इप्सविचले लिएको थियो। यस जितसँगै सिटीको दुई खेलबाट ६ अंक भएको छ।

शनिबार नै भएको अर्को खेलमा आर्सनलले घरेलु टोली एस्टन भिल्लालाई २–० ले पराजित गरेको छ। भिल्ला पार्कमा भएको खेलमा आर्सनललाई जिताउन लियोनार्दो ट्रोसार्ड र थोमस पार्टीले गोल गरेका थिए। आर्सनलले पनि शुरूआती दुवै खेल जित्दै तालिकामा ६ अंक बताएको छ।

यसैगरी, अर्को खेलमा म्यानचेस्टर युनायटेड पराजित भएको छ। नशिबार ब्राइटनसँग युनाइटेड २-१ ले पराजित भएको हो। ब्राइटनको जितमा डानी वेलबेक र जोआ पेद्रोले गोल गरे। युनाइटेडका अमाद डिएल्लोले १ गोल फर्काए। ब्राइटेनको २ खेलमा‌ ६ अंक भएको छ।‌ समान खेलमा युनाइटेडको ३ अंक‌ छ।