नेप्से परिसूचक १२७ अंकले बढ्यो, १३ अर्बको कारोबार

काठमाडौँ– नेप्से परिसूचकमा उच्च अंकको वृद्धि देखिएको छ। सोमबार नेप्से परिसूचक १२७.३२ अंकले बढेको हो।  

यस दिन नेप्से परिसूचक ४.७२ प्रतिशतले बढेर २८२३.२५ को विन्दुमा कायम भएको छ।

यस दिन कारोबारमा आएका ३३५ वटा कम्पनीको तीन करोड १४ लाख ३० हजार ४८ कित्ता शेयर एक लाख ६० हजार ५७९ पटक किनबेच भयो। जसबाट १३ अर्ब १० करोड ४६ लाख ३१ हजार ८०२ रुपैयाँ बराबरको शेयर कारोबार भएको छ।

यस दिन सबै समूहको उपसूचक बढेको छ। सर्वाधिक वित्त समूहको उपसूचक ७.९४ प्रतिशतले बढेको छ। त्यस्तै, लगानी समूह ५.४६, जलविद्युत् समूह ५.३६ र विकास बैंक ४.९९ प्रतिशतले बढेको छ।

सोमबार सात वटा कम्पनीको शेयर मूल्य १० प्रतिशतले बढेर सकारात्मक सर्किट लागेको छ।

सकारात्मक सर्किन लाग्नेमा नेसनल हाइड्रोपावर, बेस्ट फाइनान्स, समृद्धि फाइनान्स, प्रोग्रेसिभ फाइनान्स, एनएलजी इन्स्योरेन्स, रिलायन्स फाइनान्स, सुपर माई हाइड्रोपावर रहेका छन्।

सोमबार लक्ष्मी उन्नति कोष ४.७१, माई खोला हाइड्रोपावर ३.५९ र एनआईसी एशिया फ्लेक्स क्याप फन्डका लगानीकर्ताले १.८७ प्रतिशतले गुमाएका छन्।