अमेरिकाको स्कुलमा गोली चल्दा २ जनाको मृत्यु, ६ घाइते

अमेरिकाको विस्कन्सिन राज्यको निजी क्रिश्चियन स्कुलमा गोली चल्दा दुई जनाको मृत्यु भएको छ। 

सोमबार राति भएको उक्त आक्रमणमा अन्य ६ जना घाइते भएका छन्। मृत्यु हुनेमा एक शिक्षक र विद्यार्थी रहेको प्रहरीले जनाएको छ। 

सोही स्कुलमा अध्ययनरत १५ वर्षीया छात्राले सोमबार राति अन्धाधुन्ध गोली चलाएको म्याडिसनका प्रहरी प्रमुख शोन बार्नेसले पुष्टि गरे। दुई जनाको मृत्यु र ६ जनालाई घाइते बताएपछि छात्राले आफैमाथि गोली चलाउँदा उनको पनि मृत्यु भएको प्रहरीले जनाएको छ।

समाचार संस्था रोयटर्सका अनुसार घाइते ६ जनालाई उपचारका लागि नजिकैको अस्पताल लगिएको छ। तीमध्ये दुई जनाको अवस्था गम्भीर छ।

विद्यालयमा अन्धाधुन्ध गोली चलेपछि दुई कक्षामा अध्ययनरत छात्राले फोन गरेर प्रहरीलाई घटनाबारे जानकारी दिएकी थिइन्।