एमाले केन्द्रीय कार्यालय बैठक बस्दै

काठमाडौँ– नेकपा एमालेकाे केन्द्रीय कार्यालय बैठक बुधबार बस्दै छ। मंसिर ४ काे निर्वाचनपछि पहिलो बैठक बस्न लागेको केन्द्रीय कार्यालयका सचिव डा. भीष्म अधिकारीले जानकारी दिए। 

महासचिव नेतृत्वमा रहेको केन्द्रीय कार्यालयले पार्टीको नियमित काम हेर्न गर्छ। आजको बैठकले केन्द्रीय सचिवालय बैठकको अजेन्डा तय गर्ने बताइएको छ। केन्द्रीय सचिवालयको बैठकअघि एमालेको केन्द्रीय कार्यालय बैठक बस्ने गर्छ।

दिउँसो १ बजे पार्टी केन्द्रीय कार्यालय च्यासल ललितपुरमा बैठक बस्न लागेको हो। “निर्वाचनको समीक्षा लगायतका विषयमा आजको बैठकमा छलफल हुन्छ”,उनले भने,“केन्द्रीय सचिवालय बैठकका लागि आवश्यक अजेन्डा पनि तय हुन्छ।” 

बैठकमा समानुपातिकको बन्द सूचीबारे पनि आवश्यक छलफल हुने बताइएको छ। निर्वाचन आयोगले मंगलबार समानुपातिकतर्फको मत परिणाम सार्वजनिक गरिसकेको छ।

एमालेले प्रतिनिसभामा प्रत्यक्षतर्फ ४४ र समानुपातिकतर्फ ३४ सिटसहित ७८ सिट प्राप्त गरेको छ।