महाकाली राजमार्गमा सुख्खा पहिरो, सवारी आवागमन ठप्प

बैतडी– सुख्खा पहिरो गएपछि महाकाली राजमार्ग अवरुद्ध भएको छ। 

बैतडीको दोगडाकेदार गाउँपालिका–५ सलसेना भिरमा सडक माथिबाट पहिरो खस्दा राजमार्ग अवरुद्ध भएको हो।

बुधबार दिउँसो खसेको पहिराले राजमार्ग अवरुद्ध बनेको जिल्ला प्रहरी कार्यालयका प्रहरी प्रवक्ता, प्रहरी निरीक्षक बलराम पाण्डेयले जानकारी दिए। उनका अनुसार सडक अवरुद्ध हुँदा लामो तथा छोटो दूरीका सवारीसाधन र यात्री बीच बाटोमा अलपत्र परेका छन्।

सडकमाथिबाट ठूलो पहिरो खसेकाले पहिरो पन्छाएर राजमार्ग नियमित सञ्चालन गर्न केही समय लाग्ने उनले बताए। सडक खुलाउन पहल भइरहेको भन्दै प्रवक्ता पाण्डेयले राजमार्ग अवरुद्ध हुँदा दार्चुला र बैतडीको सडकसँग सम्बन्ध विच्छेद भएको उल्लेख गरे।