दक्षिण अफ्रिकामाथि आफगानिस्तानको ऐतिहासिक जित

काठमाडौँ– रहमानुल्लाह गुरबाजको उत्कृष्ट शतक र राशिद खानको ५ विकेटको मद्दतमा अफगानिस्तानले शुक्रबार दोस्रो एकदिवसीय अन्तर्राष्ट्रियमा दक्षिण अफ्रिकालाई १७७ रनले पराजित गरेको छ। 

यस ऐतिहासिक जितसँगै अफगानिस्तानले दक्षिण अफ्रिकाविरुद्धको सिरिज पनि पहिलोपटक आफ्नो पक्षमा पारेको छ। 

पहिलो एकदिवसीय खेल ६ विकेटले जितेको दुई दिनपछि अफगानिस्तानले टस जितेर ब्याटिङ रोजेको थियो। निर्धारित ५० ओभरमा ४ विकेट गुमाउँदै अफगान टोलीले ३११ रनको योगफल तयार गरेको थियो। 

२२ वर्षीय गुरबाजले एकदिवसीय करियरमा सातौँ शतक प्रहार गर्ने क्रममा १० चौका र ३ छक्का हानेका थिए। उनी ओडीआईमा सतक हान्ने पहिलो अफगान खेलाडी पनि बने। अजमातुल्लाह उमरजाई ८६ रनमा अविजित रहे। रहमत शाहले ५० रन बनाए।

ब्याटिङका ​​क्रममा चोट बोक्न पुगेका लेग स्पिनर खानले आफ्नो २६औँ जन्मदिनमा १९ रन खर्चेर ५ विकेट लिए। बायाँ हाते स्पिनर नांगेलिया खरोटेले २६ रन खर्चेर ४ विकेट लिए। 

शारजाहमा जवाफी ब्याटिङमा उत्रिएको दक्षिण अफ्रिका ३४.२ ओभरमा १३४ रनमा अलआउट भएको थियो। दक्षिण अफ्रिकाका कप्तान टेम्बा बाभुमाले सर्वाधिक ३८ रन बताए। सिरिजको तेस्रो खेल आइतबार हुनेछ।