इन्टरपोलबाट रेड नोटिस जारी भएका ३ जना दुबईबाट पक्राउ

काठमाडौँ– अन्तर्राष्ट्रिय प्रहरी संगठन (इन्टरपोल) बाट रेड नोटिस जारी भएका ३ जनालाई प्रहरीले पक्राउ गरेर काठमाडौँ ल्याएको छ। 

पक्राउ पर्नेमा पाँचथर मिक्लाजुङ गाउँपालिका-४ का ४२ वर्षीय भूपेन्द्र बोहरा, काठमाडौँ नागार्जुन नगरपालिका-९ का २८ वर्षीय कबिर बुढाथोकी तथा मकवानपुर इन्द्रसरोवर गाउँपालिका-५ का २६ वर्षीय रोमन कार्की छन्। 

इन्टरपोलको सहयोगमा उनीहरूलाई दुबईमा पक्राउ गरेर नेपाल ल्याइएको प्रहरी प्रधान कार्यालयले जनाएको छ। 

बोहरा र बुढाथोकी ठगी मुद्दामा तथा कार्की बलात्कार मुद्दा फरार थिए।