विपद्‌बारे छलफल गर्न गृहमन्त्रीले डाके केन्द्रीय सुरक्षा समितिको बैठक

काठमाडौँ– गृहमन्त्री रमेश लेखकले केन्द्रीय सुरक्षा समितिको बैठक बोलाएका छन्। मन्त्रालयका अनुसार शनिबार बिहान १०ः३० बजेका लागि बैठक बोलाइएको हो। 

दुई दिनदेखिको अविरल वर्षाका कारण मुलुकभरको जनजीवन प्रभावित भएपछि राहत तथा उद्धार व्यवस्थापन तथा थप कार्ययोजना तय गर्न बैठक बस्न लागेको मन्त्री लेखकको सचिवालयले जानकारी दिएको छ।

मन्त्री लेखकले निरन्तरको वर्षाका कारण देशभर नै वर्षा, बाढी, पहिरो र डुबानको समस्या हुनुका साथै जनधनको क्षति हुने जोखिम रहेकाले उच्च सतर्कता अपनाउन र सुरक्षित स्थानमा बस्न आग्रहसमेत गरेका छन्। बैठकमा चार वटै सुरक्षा निकायका प्रमुख सहभागी हुनेछन्।