बाढीपहिरोमा परी १०० जनाको मृत्यु, ६७ बेपत्ता

काठमाडौँ– बाढीपहिरो र डुबानमा परी हालसम्म १०० जनाको मृत्यु भएको छ। ६७ जना बेपत्ता भएका छन्। विपद्‌मा परी १०१ जना घाइते भएका छन्। 

ललितपुरमा २०, धादिङमा १५, काठमाडौँमा १२, काभ्रे १०, मकवानपुर सात, सिन्धुपाल्चोक ६ जना, सोलुखुम्बुमा पाँच, पाँचथरमा पाँच र भक्तपुर पाँच जनाले ज्यान गुमाएका छन्।

गृह मन्त्रालयका प्रवक्ता ऋषिराम तिवारीका अनुसार दोलखामा तीन, सिन्धुलीमा दुई, धनकुटा दुई, महोत्तरी दुई, रामेछाप एक, झापा एक, उदयपुर एक, इलाम एक, सप्तरी एक र नुवाकोटमा एक जनाको मृत्यु भएको छ।

बाढीपहिरो प्रभावित क्षेत्रमा खोजी र उद्धारका लागि नौ हजार ९८३ सुरक्षाकर्मी परिचालन गरिएको छ। आइतबार बिहानसम्म तीन हजार ३९ जनाको उद्धार गरिएको उनले बताए।