बाढीपहिरोमा परी मृत्यु हुनेको संख्या २२८ पुग्यो

काठमाडौँ– देशका विभिन्न स्थानमा गएको बाढीपहिरोमा परी मृत्यु हुनेको संख्या २२८ पुगेको छ। २५ जना बेपत्ता र १५८ जना घाइते भएका छन्। 

गृह मन्त्रालयका प्रवक्ता ऋषिराम तिवारीका अनुसार हालसम्म बाढीपहिरो प्रभावित क्षेत्रबाट १३ हजार ७१ जनाको उद्धार गरिएको छ। 

प्रभावितलाई खाद्यान्नलगायत राहत सामग्री प्रदान गरिनुका साथै घाइतेको निःशुल्क उपचार भइरहेको उनले बताए। 

सरकारले उद्धार र राहतलाई प्राथमिकता दिएको र यातायात सञ्चालन गर्न अवरुद्ध राजमार्ग सञ्चालनको प्रयास भइरहेको प्रवक्ता तिवारीको भनाइ छ।